Татарстанда баласы янына килгән ир-ат хатынын үтергән

Казанда «Волжская Гавань» торак комплексында коточкыч фаҗига булган. Ир-ат хатынын кечкенә улы туган көнен бәйрәм иткән көнне үтергән.

KazanFirst чыганагы хәбәр иткәнчә, бала имгәнгән һәм хастаханәгә озатылган, әмма соңгы мәгълүматлар буенча, аның хәле яхшы.

Казан полициясенә Казанның Киров районы йортларының берсендә хатын-кызның үле гәүдәсе табылуы турында хәбәр килгән. Һәлакәт урынына полиция хезмәткәрләре оператив рәвештә кузгалганнар. Полиция хезмәткәрләре күрше йорт фатирында җинаятьчене тапканнар", - дип хәбәр иттеләр ТР буенча Эчке эшләр министрлыгы матбугат хезмәтендә.

Җинаять кылганнан соң шикләнелүче бина тәрәзәсенә менгән. Хәзерге вакытта ир-ат белән вәзгыятьне җайга салырга омтылып психологлар эшли.

Ачыкланганча, шикләнелүче - чит ил кешесе. Хатын-кыз 1990 елның 9 августында туган, аларның уртак баласына 24 майда 3 яшь тулган.

Тикшерү органнары килеп чыккан хәлнең барлык шартларын билгели. Бала табиблар күзәтүендә.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!