«Татар-информ» Эчке эшләр министрлыгының Казан буенча идарәсе мәгълүматларына таянып язганча, ир-ат бер мессенджерда чагыштырмача арзан бәядән әйбәт кенә машина рекламасын күреп, шуны сатып алмакчы булган. Алыш-биреш турында тәфсилләбрәк сораштыру өчен сатучы белән элемтәгә кергән. Тегесе аңа фирма һәм машина турында мәгълүматлар белән килешү җибәргән.
Шуннан соң сатучы, имештер, документлар әзерләү һәм таможняга түләү өчен, берничә миллион сумлык аванс сораган. Ләкин сатып алучы күпсенгәч, болар әлегә 350 мең сум белән чикләнеп калырга килешкән. Әмма килешенгән көнгә машина китерелмәгән. «Нигә тоткарлыйсыз?» дигән сорауны ишетүгә, мошенниклар тулысынча түләүне таләп итә башлаган. Эшләр болайга киткәч, ир-ат полициягә мөрәҗәгать иткән.
Эчке эшләр министрлыгы тагын бер кат искә төшергәнчә, интернет аша нәрсәдер сатып аласы иткән очракта сатучы турында мәгълүматлар эзләргә, башка клиентларының фикерләрен белешергә һәм шикле счетларга акча җибәрмәскә кирәк.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез