12 май 2026 Яңалыклар

Татарстанда бер квартал эчендә 155 миллиард сумлык түләүле хезмәт күрсәтелгән

Татарстанда яшәүчеләргә беренче кварталда барлыгы 155,7 миллиард сумлык түләүле хезмәт күрсәткәннәр. Татарстанстат мәгълүматлары буенча, бу күрсәткеч узган елның шушы ук чорындагыга караганда 4,8 процентка арткан.

Иң күп түләүле хезмәтләр март аенда (53,9 миллиард сум), ә иң азы – гыйнварда (50,6 миллиард сум) күрсәтелгән. Февральдә исә алардан 51,1 миллиард сум кергән.

Күрсәткечнең күпчелек өлеше коммуналь хезмәтләргә (37,5 миллиард сум) туры килә. Көнкүреш хезмәтләренә – 24,8 миллиард сум, транспорт – 18, мәгариф – 14,8 һәм медицина хезмәтләренә – 12,9 миллиард сум. Гыйнвар–март аралыгында өлкәннәр һәм инвалидлар түләүле хезмәтләрдән иң аз күләмдә (366 миллион сум) файдаланган. Ветеринария хезмәтләреннән дә нибары 489,8 миллион сум һәм курьер хезмәтләреннән 520 миллион сум кергән.

Сүз уңаеннан, хәзерге вакытта Татарстанда “Кадрлар” илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"