Татарстанда ике машина бәрелешкән: 8 яшьлек баланың гомере өзелгән

Узган төндә Татарстанда юл һәлакәте булган. Актаныш районы Әнәк авылы янәшәсендәге юлда коточкыч авария килеп чыккан.

Һәлакәтне үз күзләре белән күрүчеләр “Татар-информ”га хәбәр иткәнчә, “М7” юлының чама белән 1138нче чакрымында "Kia” белән “Man” йөк машинасы маңгайга-маңгай бәрелешкән.

Башлангыч мәгълүматларга караганда, җиңел машинада 5 кеше, шул исәптән өч бала булган.

Медиклар авария булган урыннан “Kia” шоферын һәм өч пассажирын хастаханәгә озаткан. 8 яшьлек кыз бала шундук һәлак булган.

“KazanFirst” язганча, баланың әтисе “Ашыгыч ярдәм” машинасында җан биргән.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!