Татарстанда илкүләм проект буенча Мөслим-Иске Сәет автомобиль юлын төзекләндерү эшләре төгәлләнгән

Мөслим районында “Яшәү өчен инфраструктура” илкүләм (милли) проекты нигезендә Мөслим-Иске Сәет автомобиль юлының 18,2-20,1 чакрымындагы өлешендә ремонт эшләре төгәлләнгән. Барлыгы 1,9 чакрым озынлыктагы юл өлеше яңартылган. Бу хакта Транспорт һәм юл хуҗалыгы министрлыгы хәбәр итә.

Шулай итеп, төп юлга 13 мең кв. м артыграк мәйданда ЩМА-8 вак таш-мастик асфальт-бетон түшәлгән, 5 мең кв. м артыграк мәйданда юл кырыйлары М400 вак таш белән ныгытылган.
Исегезгә төшерәбез: Россиядә яңа илкүләм проектлар гамәлгә ашырыла башлады. Алар асылда барлык өлкәләргә кагыла. Быел Татарстанда шуларның 12се тормышка ашырылачак. Юл хәрәкәте иминлеген арттыру – “Яшәү өчен инфраструктура” илкүләм (милли) проектының мөһим бурычларыннан берсе. Быел илкүләм проект нигезендә республиканың 9 районында тротуралар төзү, 14 автомобиль юлы өлешен төзекләндерү күздә тотыла. Шулай ук 31 районда 48 юл участогында (гомуми озынлыгы – 70 чакрымнан артыграк) торак пунктлар аша салынган төбәк әһәмиятендәге автомобиль юлларында яктырткычлар урнаштыру планлаштырыла.

Сүз уңаеннан, хәзерге вакытта Татарстанда «Торак пунктларда иинфраструктураны үстерү” төбәк проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!