Узган ел нәтиҗәләренә караганда, Татарстанда онлайн-сатучылар 13 процентка диярлек арткан. Бу хакта Татарстан Икътисад министрлыгының еллык коллегия утырышында Татарстан Премьер-министр урынбасары - икътисад министры Мидхәт Шаһиәхмәтов әйтте.
"Бизнесны сыйфатлы итеп үстерүнең өстенлекле юнәлешләреннән берсе - сату базарларын киңәйтү. Шул исәптән, дустанә мөнәсәбәттәге тышкы базарларга чыгу хисабына да", - диде министр.
Аның сүзләренә караганда, кече һәм урта бизнес өчен онлайн-сәүдә базарны киңәйтүнең нәтиҗәле ысулы булып тора. "Узган ел нәтиҗәләренә караганда, Татарстанда онлайн-сатучылар 13 процентка диярлек артып, 68 меңне тәшкил итте. Еллык керем - 70 миллиард сумга якын", - диде Мидхәт Шаһиәхмәтов.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез