16 апрель 2026 Яңалыклар

Татарстанда төбәк юлларында чокырларны ремонтлау башланды

Татарстанда төбәк юлларында кайнар асфальт-бетон кулланып чокырларны ремонтлау башланды. Барлыгы якынча 400 мең кв. метр мәйданны ремонтларга кирәк, дип хәбәр итте ТР Транспорт һәм юл хуҗалыгы министрлыгының матбугат хезмәте.

«Юлчылар кайнар асфальт-бетон белән чокырларны ремонтлауны оператив рәвештә башлап җибәрде. Безнең алда май ахырына кадәр кайнар асфальт-бетон белән чокырларны ремонтлауны тулысынча төгәлләү, юлларны тәртипкә китерү һәм горизонталь юл билгеләрен сызу бурычы тора», – диде ТР Транспорт һәм юл хуҗалыгы министры урынбасары Ранис Фәйзуллин.

Республикада 35 асфальт-бетон заводы бар, аларның барысы да эшли башларга әзер. Хәзерге вакытта Әгерҗе, Алексеевск, Әлмәт, Балтач, Бөгелмә, Дөбъяз, Лаеш, Түбән Кама, Яңа Чишмә һәм башка районнарда 18 асфальт-бетон заводы эшли башлады.

Сүз уңаеннан, хәзерге вакытта Татарстанда «Юл хәрәкәте иминлеге» төбәк проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"