11 март 2026 Яңалыклар

Татарстанда төп капиталга шәхси инвестицияләр күләме 1,5 трлн сумга җиткән

2025 елда Татарстан Республикасында төп капиталга шәхси инвестицияләр күләме 1,485 триллион сум тәшкил иткән. Шул ук вакытта, финанс кертемнәренең төп өлеше эшкәртү сәнәгате өлкәсенә туры килгән.

Бу хакта Татарстан Республикасы Инвестицион үсеш агентлыгы җитәкчесе Талия Миңнуллина хәбәр итте.

Ведомство башлыгы сүзләренчә, Татарстанда чит илләр катнашында компанияләр ачылуын дәвам итә, муниципаль районнарда проектлар актив үсештә һәм яңа инвестицион тәкъдимнәр әзерләнә.

«Бер ел элек без 1 триллион чиген уздык, ә быел 1,5 триллион сумга якынлаштык», - диде ТР Инвестицион үсеш агентлыгы җитәкчесе.

Сүз уңаеннан, хәзерге вакытта “Нәтиҗәле конкурентлыкка сәләтле икътисад” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"