Марат Сираев 86 яшьтә булган.
Татарстан Үзәк сайлау комиссиясе элекке рәисе, элекке авыл хуҗалыгы министры Марат Сираев вафат булган. Бу хакта Татарстан Республикасы Үзәк сайлау комиссиясенең телеграм-каналында хәбәр ителә.
Аның ни сәбәптән вафат булуы турында әйтелмәгән. Мәрхүм белән хушлашу урыны һәм вакыты турында да әлегә мәгълүмат юк.
Марат Сираев 1936 елның 1 маенда Әлки районы Урта Әлки авылында туган. 1962 елда Казан авыл хуҗалыгы институтын тәмамлаган. 1976-1983 елларда ТАССР авыл хуҗалыгы һәм азык-төлек министрының беренче урынбасары вазыйфасында эшлгән.1983-1988 елларда министрлыкка җитәкчелек иткән.
Шуннан соң ул Татарстан Статистика идарәсен җитәкләгән. 1990-1994 елларда Татарстан Дәүләт контрольлек комитеты вазыйфасын биләгән. 1994-2000 елларда Татарстан Үзәк сайлау комиссиясе Рәисе булган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез