2 августтан Казаннан Истанбул һәм Прага шәһәрләре тарафына самолетлар оча башлаячак. «Төрек авиалинияләре 2 августтан «Казан – Истанбул» маршрутына билетлар сата башлады. Шушы көннән Чехиянең «Smartwings» компаниясе дә Казан белән Прага арасында самолет рейсларын яңартырга ниятли», – дип белдерде Туризмны үстерү комитеты директоры Дарья Санникова башкала мэриясендә узган «Эшлекле дүшәмбе» утырышында.
Шул ук вакытта Россия эчендә 35 юнәлеш буенча очарга мөмкин инде. Әйтик, 6 июльдән «Северный ветер» авиакомпаниясе «Казан – Калининград» маршруты буенча даими рейслар ача, ә 4 июльдән Татарстан башкаласыннан Геленджикка самолетлар оча башлый.
