Кура җиләге башка җиләк-җимешләр кебек үк, клетчаткага бай. Ул әллә нинди детокс-сокларга караганда да әйбәтрәк эчәклек эшчәнлеген яхшырта, ашкайнату-эчәк трактын чистарта. Шулай ук холестиринны киметә, кандагы инсулин күләмен көйли, эчәк яман шеше килеп чыгу куркынычыннан саклый.
Әле моның белән генә бетми. Азык җепселләре ашказанына эләккәннән соң, бүртәләр һәм күләм буенча арталар. Әлеге үзлеге аның туклык хисе китереп чыгара. Беренче һәм икенче аш ашаганнан соң десертка үрелгәнче кура ашап куюың хәерлерәк, ди белгечләр. Шуны истә тотыгыз: бер уч кура җиләге теләсә нинди шәп десертны алыштыра.
Фото: pixabay.com
