Йоклый алмыйча ятсагыз, пестә (фисташка) ашагыз!
Аның составында йокыга талу өчен җаваплы магний, аксым, В6 витамины бар. Даими рәвештә фисташка ашаган кеше тынычлана, арыганлыктан котыла, стрессларга бирешми. Пестә яшелрәк булган саен сыйфатлырак санала. Ул А, В1, Е витаминнарына, тимергә дә бай. Алар хисабына пестә организмны ныгыта, йөрәк тибешен җайга сала, баш мие, бавыр эшчәнлегенә уңай тәэсир итә, канны чистарта, ир-атның җенси куәтен арттыра.
