Алабуга районы Иске Юраш авылында бер бала югалганлыгы турында хәбәр иткән идек.
Бүген 6:50дә Эзләү-коткару хезмәте отряды һәм Liza Alert волонтерлары белән берлектә эзләү барышында 2013 елны туган баланың мәете Юраш елгасы ярыннан табылган. Малай егылып төшкән урыннан километр ярым түбәнгәрәк агып төшкән булган. Баланың мәете хокук саклау хезмәткәрләре кулына тапшырылган.
Югалган малайны эзләү өчен 61 кеше, 11 берәмлек техника җәлеп ителгән.
