Ир-ат кулы ризыкны тәмлерәк әзерли, диләрме әле?! Белеме буенча – электрик, күңеле белән пешекче булган Рәдис Гәрәев рецепты буенча пешереп карагыз әле.
Кирәк булыр: 2 тавыш түшкәсе, 30 г желатин, тәмләткечләр (борыч, тоз, сарымсак оны).
Тавык түшкәсенең тиресен салдырып, артык зур итми генә турыйбыз (1х1 см). Туралган тавык ите өстенә 30 г желатин һәм тәмләткечләр салып, әйбәтләп болгатабыз. Шуннан соң стрейч пакет өстенә салып, колбаса формасына китереп, берничә кат төрәбез, башларын җеп белән бәйлибез. Әзер колбасаны кайнап торган суга салып, 40 минут тотабыз.
Фото: cookpad.com
