Кирәк булачак: 300 грамм пешкән балык филесы (балыкның ниндие дә ярый), 3–4 кыяр, 3 пешкән йомырка, яшел тәмләткечләр, 1 чәй кашыгы гәрчич, 1 аш кашыгы шикәр комы, тәменчә тоз.
Балыкны ваграк кисәкләргә турап, читкә алып куябыз. Кыяр һәм йомырканы – шакмаклап, яшел тәмләткечләрне ваклап турыйбыз. Балыктан кала, барысын да бергә кушып, тоз салып болгатабыз. 1,5 литр салкын куаска 1 чәй кашыгы гәрчич һәм 1 аш кашыгы шикәр комы өстәп болгатабыз һәм ингредиентларны шунда салабыз. Балык кисәкләрен табынга куяр алдыннан гына тәлинкәгә салабыз. Аз гына каймак өстәргә дә мөмкин.
