Күз төпләренең каралып, шешенеп торуын бетерү һәм күз тирәсендәге вак җыерчыклардан котылу өчен кыяр белән кызыл алмадан ясалган битлек кулланып карагыз.
Моның өчен уртача зурлыктагы берәр кыяр һәм алма кирәк. Аларны кабыгыннан, орлык-төшләреннән чистартып, зуррак кисәкләргә турыйбыз. Угыч аша чыгарып яки кухня комбайны ярдәмендә ваклап, болгатабыз. Катнашманы биткә, күз төпләренә сылыйбыз. 15 минут тотканнан соң юып төшерәбез.
