Җиңүчеләрне очраклы сайлап алу юлы белән билгеләячәкләр.
Коронавирустан прививка ясаткан кешеләр арасында 100 мең сум акча уйнатыла башлады. Лотерея агымдагы елның 1 декабренә кадәр дәвам итәчәк, аның операторы итеп «Госзнак» билгеләнгән. Тиздән 1000 кеше 100әр мең сум акчага ия булачак.
Вакцинацияләнүчеләрнең Бердәм регистрында теркәлгән һәр кеше әлеге лотереяда катнаша ала. Приз отучыны очраклы сайлап алу ярдәмендә билгелиләр. Акча «Мир» банк картасына күчерелә.
