Койка ясау өчен кирәк булачак
1 данә сыер аягы
2 баш суган
2 тырнак сарымсак
60 г маринадланган гөмбә
1 данә пешкән кишер
тоз, борыч һәм яшел тәмләткечләр
Сыер аягын кәстрүлгә сыярлык итеп бүлгәләп, тоз салган суда акрын утта ите сөягеннән аерылырлык булганчы (3–4 сәгать) кайнатабыз. Су 1:3 күләмендә салына. Пешкән итләрне алып, шулпаны сөзәбез. Аннары итне турап, кабат шулпага салып, 15–20 минут кайнатып алабыз.
Шулпаны ите белән бергә койка өчен әзерләнгән савытка салабыз. Туралган сарымсак, кишер, гөмбә, борыч салып, суыткычка куябыз.
