“Коронавирус инфекциясе” диагнозын куюга үзгәрешләр кертелгән. Хәзер чирләүчеләрнең гомуми статистикасына күбрәк кеше эләгәчәк.
Оператив штабта белдерелгәнчә, COVID-19га экспресс-тесты чир йоктыруны күрсәткән кешеләр дә рәсми төстә коронавирустан чирләүчеләр булып саналачак.
Сәламәтлек саклау министрлыгында бу уңайдан әлегә аңлатма бирелмәгән. Үзгәрешләр кертү барыннан да элек “омикрон” штаммының гаять зур тизлектә таралауына, шулай ук экспресс-тестларның төгәлрәк нәтиҗәләр бирә башлавына бәйле булса кирәк.
Аерым алганда, табиб-инфекционист, медицина фәннәре кандидаты Андрей Поздняков, мондый тестларның төгәллеге инде 80 процентка җитте, дип белдергән.
