Казанның Юдино бистәсендә нәни кызын бишенче кат тәрәзәсеннән ыргыткан ир-атны тоткарлаганнар. Бу хакта “БИЗНЕС Online” хокук саклау органнарындагы чыганагы мәгълүматларына таянып яза.
Гадәттән тыш хәл Ильич урамындагы күпкатлы йортларның берсендә булган. Ярымшәрә ир баласын фатиры тәрәзәсеннән ыргытырга җыенган бер мәлдә, шул тирәдән узып баручылар, бу хәлне күреп, барлык ашыгыч хезмәтләрне чакырткан. Ир, тәрәзәсе төбендә халык җыелуга карамастан, барыбер үзенекен иткән: кызчыкны түбәнгә ыргыткан. Бала кар көртенә барып төшкән. Шаһитлар аны шундук якындагы кибеткә күтәреп алып кергән.
Баланың хәле турында әлегә бернинди дә мәгълүмат юк. Полиция хезмәткәрләре госгвардиячеләр белән бирегә шундук килеп җиткән һәм ирне фатирыннан алып чыгып киткән.
