Башкортстанның Әбҗәлил районында 74 яшьлек әбине сыер сөзеп үтергән. Бу турыда abzelil.com/news сайты хәбәр итте.
Селивановка авылында яшәүче әби яңа бозаулаган сыерын саварга чыга. Сарайдан чыгып барганда сыеры арттан килеп, аны сөзеп ега. Әби егылгач та сыер сөзүен дәвам итә, аны таптый.
Әлеге коточкыч хәлнең шаһите булган улы ашыгыч ярдәм чакыра. Тик әбине табиблар коткара алмый, аның гомере өзелә.
