Азат Җиһаншинның депутат вәкаләтләрен вакытыннан алда туктаттылар

VII чакырылыш Татарстан Дәүләт Советының унсигезенче утырышында Азат Җиһаншинның депутат вәкаләтләрен вакытыннан алда туктату һәм ул эшләгән ТР Дәүләт Советының Экология, табигатьтән файдалану, агросәнәгать һәм азык-төлек сәясәте комитеты составында үзгәрешләр кертү мәсьәләсе каралды.

Моңа кадәр Азат Җиһаншин Татарстанның Экология һәм табигый ресурслар министры итеп билгеләнгән иде. Татарстан Рәисе Рөстәм Миңнеханов бу хактагы Указны 12 гыйнварда имзалады. Татарстан Дәүләт Советы Рәисе Фәрит Мөхәммәтшин Азат Җиһаншинга Татарстан Дәүләт Советының Рәхмәт хатын тапшырды.

“Азат Җиһаншинга яңа вазыйфада уңышлар телибез”, – диде парламент җитәкчесе. Азат Җиһаншин, үз чиратында, республика җитәкчелегенә күрсәткән ышаныч өчен рәхмәт белдерде. “Зур рәхмәт сезгә, Рөстәм Нургалиевич, – дип белдерде ул. – Татарстан Дәүләт Советы белән моңа кадәр уңышлы эшләдек. Алга таба да республика үсеше өчен бергә фидакарь хезмәт итәрбез дип өметләнәм”.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"