Бер атна эчендә Казанның трамвай-троллейбусларында 500дән артыграк “куян” тотканнар

Контролерлар барлыгы 1178 берәмлек электр транспортын тикшергән.

Узган атнада Казанның электр транспортында 500дән артыграк “куян” тотканнар. Бу хакта “KazanFirst” “Метроэлектротранс” оешмасының телеграм-каналындагы хәбәренә таянып яза.

Шулай итеп, контролерлар узган атнада меңнән артыграк трамвай-троллейбусны тикшергән. 49 768 пассажир дигән сүз бу. Комиссия тикшерүләр барышында билетсыз йөрүче 506 кешене (пассажирларның гомуми санының чама белән 1 проценты) ачыклаган.
“Метроэлектротранс”та искә төшереп үткәнчә, контролер билетсыз пассажирны якындагы тукталышта төшереп калдыруга яки, түләүдән баш тартса, хокук саклау органнары хезмәткәрләрен чакыртуга хокуклы.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!