Биектау район суды, прокуратура таләбен канәгатьләндереп, Бөгелмәнең элекке мэры Линар Закировның һәм аның гаиләсе әгъзаларының 115 миллион сумнан артыграк бәядәге мөлкәтен дәүләткә кайтару турында карар кабул иткән. Бу хакта “Татар-информ” Татарстан прокуратурасының матбугат хезмәте мәгълүматларына таянып яза.
Тикшерү нәтиҗәсендә Закировның чыгымнарының рәсми керемнәренә туры килмәве ачыкланган.
Ведомство мәгълүматларына караганда, 2016-2022 еллар чорында элекке мэрның әнисе исеменә – Мәскәүдә һәм Казанда ике фатир һәм коммерция бүлмәсе, хатынының әтисе исеменә – Сочида җир кишәрлеге белән йорт һәм фатир, хатынының әнисе исеменә – Porsche Cayenne автомобиле рәсмиләштерелгән.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез