Казан һәм Түбән Кама аэропортлары янә эшли башлаган. Бу хакта “Росавиация” оешмасының рәсми вәкиле хәбәр иткән. Казан аэропорты эше – 6 сәгать диярлек (3.35 сәгатьтән), Бигеш аэропорты эше – 4,5 сәгать (4.55 сәгатьтән) туктатып торылган.
“Ижевск, Казан, Киров һәм Түбән Кама (Бигеш) аэропортларында һава судноларын кабул итү һәм очыртып җибәрү буенча чикләүләр алынды”. Чикләүләр самолетларның иминлеген тәэмин итү максатында кертелгән иде”, – диелгән 9.20 сәгатьтә басылган хәбәрдә.
Исегезгә төшерәбез: республика территориясендә 3.51 сәгатьтән 9.30 сәгатькәчә пилотсыз очкычлар һөҗүме янау режимы гамәлдә булды. “Ковер” планын кертү сәбәпле Казан аэропортында иртән очып китәргә тиешле – 11 рейс, очып килергә тиешле 17 рейс тоткарланды. Аэропорт ачылганнан соң да тоткарланулар дәвам итә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез