Песков: "Россия, элеккечә үк конфликтны тыныч юл белән җайга салуга исәп тота"

Россия, элеккечә үк, Украинага бәйле вазгыятьне сәяси-дипломатик юл белән җайга салуга исәп тота. Президентның матбугат секретаре Дмитрий Песков, Мәскәнең конфликтны тыныч юл белән җайга салуга өстенлек бирүен искәртеп, шулай дип белдергән.

“Алдыбызга куелган максатка нәкъ менә тыныч юл белән – сөйләшүләр аша һәм дипломатик тырышлык белән ирешергә теләвебезне күп тапкырлар белдердек”, – дип билгеләп үткән Песков журналистлар белән әңгәмәсендә.
Әмма, аның әйтүенчә, бу юнәлештә алга китеш күренмәү сәбәпле, Россия махсус хәрби операцияне дәвам итә. “Алга китешләр күренә башлаганчы, СВО дәвам итәчәк. Ә җирдәге хәлләр һәр көн саен үзгәреп тора”, – дип өстәгән Кремль вәкиле.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!