02 апрель 2026 Яңалыклар

Республикада тугызынчы сыйныфны тәмамлаучыларның 60-65 проценты унынчы сыйныфка кала

ТР Хезмәт министрлыгы мәгълүматлары нигезендә, тугызынчы сыйныфны тәмамлаучыларның 60-65 проценты югары сыйныфларда белем алуын дәвам итә, 35-40 проценты көллиятләргә укырга керә. ТР хезмәт, мәшгульлек һәм социаль яклау министры урынбасары Клара Таҗетдинова Татарстанда тугызынчы сыйныфны тәмамлаучы укучыларга киңәш бирде, дип яза «Татар-информ».

«Әгәр бала куллары белән эшләргә, ниндидер техник эшләр белән шөгыльләнергә ярата икән, көллият – яхшы сайлау. Чөнки бу, беренчедән, тизрәк белгечлек үзләштерергә, ниндидер гамәли күнекмәләр алырга мөмкинлек бирә. Яшьләр тизрәк карьерасын башлый ала», – дип аңлатты ул.

Әгәр бала фундаменталь фәннәрне өйрәнергә, ниндидер аналитик эш белән, тикшеренү эше белән шөгыльләнергә тели, җитәкче булырга хыяллана икән, аңа унбер сыйныф тәмамларга кирәк, дип билгеләп үтте Таҗетдинова.

БЕЗНЕҢ МАКС КАНАЛЫНА ЯЗЫЛЫГЫЗ!