Рөстәм Миңнеханов "Динамо-Ак барс" командасын Россия Суперкубогында җиңү белән котлады

Казанның волейбол клубы Суперкубокны өченче тапкыр яулады.

Татарстан Рәисе Рөстәм Миңнеханов “Динамо-Ак Барс” волейбол клубын Россия Суперкубогы финалында җиңү белән котлады. Бу хакта ул үзенең телеграм-каналында язган.

“Динамо-Ак Барс” волейбол клубы өченче тапкыр Россия Суперкубогын яулады! Горурланабыз, кызлар!” – дип язган республика Рәисе.

Моннан тыш Казан волейболчыларын җиңүләре белән республика парламенты Рәисе Фәрит Мөхәммәтшин котлады.

“Безнең волейболчы кызларыбыз, Мәскәүнең “Динамо” командасын 3:0 исәбе белән җиңеп, Суперкубок яулады! Котлыйм! Кызлар, молодецлар!” – дип белдерде Фәрит Мөхәммәтшин.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!