Бүген Мәскәүгә эш сәфәре кысаларында Татарстан Рәисе Рөстәм Миңнеханов Россия Гадәттән тыш хәлләр министрлыгы башлыгы Александр Куренков белән очрашты.
Төбәк ведомствосының матди-техник базасын ныгыту, куелган бурычлар кысаларында алга таба хезмәттәшлек мәсьәләләре буенча фикер алыштылар. Шулай ук Татарстан өчен актуаль булган башка мәсьәләләр дә кузгатылды.
Аерым алганда, 2024 елда Россия Гадәттән тыш хәлләр министрлыгының Татарстан Республикасы буенча Баш идарәсе һәм Татарстан Республикасы Гадәттән тыш хәлләр министрлыгы инфраструктурасын җиһазлау турында фикер алыштылар. Александр Куренков һәм Рөстәм Миңнеханов Татарстан Республикасы халкының һәм территориясенең комплекслы иминлеген тәэмин итү системасын камилләштерү мөмкинлекләрен карадылар.
Төбәктә янгыннан саклауның төрле төрләре үсеш ала, бу янгыннарга, юл-транспорт һәлакәтләренә һәм башка һәлакәтләргә җавап бирү дәрәҗәсен арттыруга сизелерлек йогынты ясый. Республика янгынга каршы хезмәтенең 106 бүлекчәсе район үзәкләреннән һәм шәһәрләрдән ерак урнашкан авыл торак пунктларын карап тора. Федераль янгынга каршы хезмәтне исәпкә алып, субъект территориясен тулысынча карап бетерү тәэмин ителгән. Яклар бүлекчәләрнең җиһазландырылуы, шул исәптән заманча техника үрнәкләре турында фикер алыштылар. Быел 25 берәмлектән артык төрле техника коралланды. Республика бюджеты хисабына киләсе елга янгын сүндерү деполары биналарына капиталь ремонт ясау һәм яңаларын төзү планлаштырыла.
Эшлекле очрашу кысаларында Татарстан Рәисе Александр Куренковка Татарстан Республикасы Дәүләт бүләге – «Дуслык» орденын тапшырды. Бүләк Татарстан Республикасы Рәисе Указы белән тапшырылды - Александр Куренковның Казанда XVI БРИКС саммитын уздыру чорында иминлекне тәэмин итүгә керткән өлеше билгеләп үтелде.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез