Шатлык белән кайгы янәшә: СВОга киткән егетләргә бәйле яңалыклар

Ватанны саклаучылар көне алдыннан Балтачта СВОда катнашучылар белән бәйле сөенечле дә, моңсу да, күңелне әрнетә торган да вакыйгалар шактый булды.

Вакытлыча ялга кайткан хәрби егет Рәис Заһидуллин сөйгәне белән шушы көннәрдә үзләренең никахларын рәсмиләштерде.

Район мәдәният йортында үткән чарада исә һәлак булган якташларына тиешле хөкүмәт бүләкләре якыннарына тапшырылды. Рөстәм Нәкыйповка дигән "Батырлык" ордены тормыш иптәше Гөлинәгә, Билсур Мөхәммәтгалиевның "Батырлык өчен" медале апасы Миләүшәгә бирелде.

Бүген Салавыч күп профильле лицеенда элекке укучылары, 21 көн аерма белән СВО да һәлак булган игезәкләр Фәнис һәм Рәнис Фәйзрахмановларга истәлек тактасы куелды.