Бу елның җиде аенда Татарстанның тупланма бюджетына салым һәм салым булмаган керемнәрдән 298,6 миллиард сум акча җыелган. Бу хакта “Татар-информ”да узган матбугат очрашуында Татарстан финанс министры урынбасары Алла Анфимова әйтте.
“Татарстан тупланма бюджетның салым һәм салым булмаган керемнәре күрсәткече буенча ил күләмендә алтынчы (Мәскәү, Мәскәү өлкәсе, Санкт-Петербург, Краснодар крае һәм Свердловск өлкәсеннән соң), ә Идел буе федераль округында беренче урында”, – диде ул.
Министр урынбасары әйтүенчә, тупланма бюджетка физик затларның кеременә салым – 93,2 миллиард сум, табышка салым – 90,2 миллиард сум күләмендә тупланган. “Салым булмаган керемнәр күләме 25,8 миллиард сум тәшкил итә”, – диде министр урынбасары.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез