Татарстан буенча Эчке эшләр министры: “Мошенниклар бөтен мессенджерлардан да файдалана”

Бу хакта VII чакырылыш Татарстан Дәүләт Советының унсигезенче утырышында Татарстан буенча эчке эшләр министры Дамир Садретдинов әйтте. Ул узган елда полиция эшчәнлегенә йомгак ясады. “Барлык теркәлгән IT-җинаятьләрнең 61,3 проценты, ягъни 15 меңнән артык очрак, ул – дистанцион җинаятьләр”, – диде министр.

Былтыр мошенниклыкка бәйле – 12,4 мең очрак, банк картасыннан акча урлауга кагылышлы – 3 меңгә якын очрак теркәлгән. “Шул ук вакытта, 2025 елда мондый җинаятьләр 12 процентка кимеде”, – диде Дамир Садретдинов. Моңа кадәр хәбәр итүләренчә, узган ел мошенниклар республика яшәүчеләрнең 6 миллиард сумга якын акчасын урлаган.

“Илкүләм мессенджерлар аша алдау очраклары бармы?” – дип тә кызыксынды депутатлар министрдан. “Мошенниклар бөтен мессенджерлардан да файдалана”, – диде Дамир Садретдинов.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!