Татарстанда 10 меңнән артыграк кеше “Батыр” үзәге аша Оборона министрлыгы белән контракт төзегән

Татарстанда “Батыр” үзәгенең ике еллык эшчәнлеге дәверендә Россия Оборона министрлыгы белән 10 меңнән артыграк контракт төзелгән. Бу хакта “Татар-информ” үзәк җитәкчесе Владислав Кузнецов мәгълүматларына таянып яза.

“Безнең үзәктә бер көн эчендә контракт төзергә мөмкин. Әйтик, кеше иртән мөрәҗәгать итсә, кичен инде килешүгә кул куя. Медицина тикшеренүе нибары бер сәгать-сәгать ярым вакытны ала, – дип сөйләп үткән ул.

Быел Татарстанда Россия Оборона министрлыгы белән 8 меңгә якын контракт төзелгән инде. Бу хакта Казанда контракт буенча хәрби хезмәткә сайлап алу пункты башлыгы подполковник Андрей Козлов сөйләп үткән.

“Шушы 8 мең кешенең яртысы чамасы нәкъ менә “Батыр” үзәге аша хәрби хезмәткә китте”, – дип билгеләп үткән Козлов.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!