Татарстанда килененә кайнар су сипкән кайнананы җәза көтә

Алабугада килененә кайнар су сипкән 71 яшьлек хатын суд каршына басачак.

Татарстан прокуратурасы хәбәр иткәнчә, март аенда хатын-кыз низаг вакытында улының хатынына кайнар су сипкән, ә аннары кәстрүл капкачын алып, килененең башына суккан. Нәтиҗәдә хатын-кыз тән җәрәхәтләре алган. Кайнана гаебен ул тулысынча таныган. «Корал сыйфатында кулланыла торган предметларны кулланып, сәламәтлеккә аңлы рәвештә җиңелчә зыян китерү» маддәсе буенча җинаять эше кузгатылган.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!