2025 елда Татарстанда мигрантларны кайбер эшләргә җәлеп итүгә тыю кертмәкчеләр. Республика Рәисенең бу җәһәттән закон проекты коррупциягә каршы экспертиза уза, дип яза “Татар-информ”.
Тыю 10 икътисадый эшчәнлек төренә кагылачак. Болар – хәтәр йөкләр ташу; җиңел такси һәм аренда автомобилендә эшләү; финанс хезмәтләре күрсәтү (иминият һәм пенсия белән тәэмин итү хезмәтләреннән тыш); дәүләтнеке булмаган пенсия фондлары эшчәнлеге (мәҗбүри социаль тәэминаттан тыш); финанс хезмәтләре һәм иминиятләштерү өлкәсендә ярдәмче эшчәнлек; хокук һәм бухгалтерия учеты өлкәсендә эшчәнлек; ветеринария; сак хезмәтләре, шул исәптән шәхси; комарлы уеннар оештыру һәм үткәрү; компьютерларны, шәхси куллану әйберләрен һәм хуҗалык-көнкүреш максатындагы әйберләрне ремонтлау.
Компанияләр һәм оешмалар документ (кабул ителсә) гамәлгә кергәннән соң өч ай эчендә штатларын указга туры китерергә тиеш булачак.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез