Яңа Чишмә районында су торбасын тоташтырганда бер эшче туфрак өеме астында калган. Татарстан прокуроры өлкән ярдәмчесе Руслан Галиев “Татар-информ”га шул хакта хәбәр иткән.
Башлангыч мәгълүматларга караганда, бу хәл бүген Ленино авылында көндезге уникеләр тирәсендә, эшче “Хорошее место” кафесына сузылган су торбалары белән эшләгәндә килеп чыккан.
Бәхеткә, коткаручылар ир-атны үлемнән йолып калуга ирешкән. Ул исән-сау, җәрәхәтләнмәгән, имгәнмәгән.
Фаҗигагә юлыга язган эшче кафе директорының туганы булып чыккан.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез