Республика клиник хастаханәсе табиблары, балдагы тәрәзәнең чыгынты урынына эләгеп калу сәбәпле, бармагын өзгән 24 яшьлек кызга ярдәм иткән. Бу хакта “Татар-информ” РКБның матбугат хезмәте мәгълүматларына таянып яза.
Микрохирурглар кызны бармагыннан мәхрүм итмәс өчен, тукымасын тергезү максатында, зыян күрүченең корсагына тегеп куйган. Ул 4 атна буе шулай йөриячәк. Шуннан соң травматологлар бармакны урынына утыртачак.
“Татар-информ” язганча, 2 нче травматология бүлегендә моңа кадәр дә шундый бер очрак булган. Исерек ир-ат, электр вышкасына менеп, үткәргечкә тотынган. Ток узу сәбәпле, кулына бик каты зыян килгән. Аның да кулын, тукымаларын торгызу максатында, вакытлыча корсагына тегеп торганнар.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез