Түбән Кама һәм Чаллыны урап узу юлының техник әзерлеге 90 процент тәшкил итә. Бу хакта Татарстан Министрлар Кабинетында узган брифингта “Федераль юл агентлыгының Идел-Нократ төбәге автомобиль юллары федераль идарәсе” җитәкчесе Илдар Минһаҗев әйтте.
“Биредә эшләр тәмамланып килә. Бу – М7 трассасының яңа юнәлеше, киләчәктә ул Казан – Екатеринбург югары тизлекле маршруты составына керәчәк. Ике елдан да азрак вакыт эчендә 81 чакрым озынлыктагы беренче категорияле юл төзедек. Чулман елгасы аша яңа күпер салынды. Объектның техник әзерлеге – 90 процент”, – диде Илдар Минһаҗев.
Урап узу юлында автомобиль хәрәкәте бу елның декабрендә ачылачак, дип көтелә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез