Хәзер иммунитетны ныгыту турында уйланмаган кеше юктыр. Мисыр гөлчәчәге – кызыл каркаде чәе – суык тидерүдән, вируслардан саклауга ярдәм итә торган әйберләрнең берсе. Бавыр, бөерләргә дә сихәте зур аның. Гүзәл затлар колагына: каркаде төнәтмәсенең чәчләр өчен файдасы гаять зур. Шампуньнан соң башны шуның белән чайкатсагыз, чәчләр күзгә күренеп матурая һәм ныгый.
Ләкин каркаденың да төрлесе бар. Чәйнең вакланмаганын, эрерәк чәчәклеләрен өстәмәләр кушылмаганын сатып алырга тырышыгыз. Пакетлы чәйнең файдасы шуның кадәр генә – вакланган чәчәкләрнең сихәтле үзенчәлекләре бик аз кала. Чәчәкләре никадәр эрерәк булса, файдасы шуның кадәр зуррак. Аксылрак төскә кергәннәрен дә урап узу хәерле. Бары тик кып-кызыл төстәгеләре генә организмга файда китерәчәк. Шуңа чәйнең үтә күренмәле каптагысын яки үлчәп сатыла торганын алу хәерле. Үлчәүлесенең сыйфатын да кибеттә үк тикшереп карарга була: чәчәкләре шытырдап сынса, чәй сыйфатлы, димәк. Каркаденың начар сынуы, вакланмавы дөрес киптерелмәгәнлеген аңлата.
Чәйне дөрес итеп пешерә белү дә мөһим. Моның өчен пыяла яки фарфор чәйнек кулланыгыз. Тимер чәйнектә зәңгәр яки шәмәхә төскә керәчәк. Шул ук вакытта тимер чәйнең бөтен файдалы үзенчәлекләрен «ашап» бетерә.
Каркадены тукыма капчыкта яки пыяла савытта саклыйлар. Пешергәндә чәй шундук кызыл төскә керсә, димәк составында буяулар бар дигән сүз. Сыйфатлы табигый каркаде суны бераздан соң гына кызарта.
Игътибар! Кызыл чәй тонусны күтәрә, ягъни организмны «уятып», аңа көч-куәт өсти. Шул ук вакытта сидек кудыру үзенчәлегенә дә ия. Шуңа күрә эчемлекне төнгә эчеп яту киңәш ителми. Чәйне кичен – йокларга ятарга 3 сәгать кала эчүдән дә яхшысы юк.
Фото: https://tea-coffee.info
АнонимАллаһ Тәгалә ярдәменнән ташламасын!Юл һәлакәтенә очрап барлык хыяллары чәлперәмә килгән Илназ Мәхмүтовның яңадан тормышка кайту ТАРИХЫ
Загрузка ...
