ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 157, 24.10.2017/

//

Лахорда килешүләр имзаланды

 

Үткән ял көннәрендә Татарстан Президенты Рөстәм Миңнеханов Пакьстанның Лахор шәһәренә эшлекле визит кылды. Биредә ул Татарстан – Пакьстан бизнес-фору­мында катнашты.

 
Р.Миңнеханов үзенең чыгышында искәртеп үткәнчә, Татарстан Россия – Пакьстан мөнәсә­бәтләре кысаларында әлеге ил белән хез­мәттәшлекне үстерүгә зур әһәмият биреп килә. “Тышкы сәүдә әйлә­неше күләмен арттыру бурычын хәл итү ягыннан сезнең илгә “КамАЗ” йөк автомобиль­ләрен, вертолетлар, йөк һәм пассажир суднолары, нефть химиясе продукциясе, минераль ашлама, медицина һәм фармацевтика продукциясе, авыл хуҗалыгы товарларын җибәрү бе­лән кызыксынабыз. Кайбер пред­прия­тиеләр оборона комплексы бурычларын хәл кыла”, – диде ТР Президенты.

 
Рөстәм Миңнеханов Лахор шәһәренә эшлекле визиты кысаларында шулай ук Пендҗаб провинциясе Баш министры Мө­хәммәд Шахбаз Шәриф (аерым алганда, мөселман белем бирү учреждение­ләре арасындагы мө­нәсәбәтләрне ныгыту, террорчылыкка каршы берлектә көрәшү игътибар үзәгенә алынды), провинция губернаторы Рафик Раҗван (мәгариф өлкәсендә хез­мәттәшлек итү, студентлар бе­лән алышу турында сөйләшү булды), әлеге илнең эшлекле даирә­ләре вәкилләре (Р.Миңнеханов Пакьстаннан әзер продукция җи­бәрү генә түгел, бәлки Татарстан тер­риториясендә текстиль һәм җиңел сәнәгать товарларын җи­теш­терү буенча производство ли­нияләрен урнаштыру мөмкин­леген карарга тәкъдим итте), провинция­нең Хәләл продукцияне үстерү агентлыгы башлыгы белән очрашты.

 
Ә инде рәсми визиты ахырында Татарстан Президенты Пакьстан премьер-министры Мөхәм­мәд Наваз Шәриф белән очрашты. Р.Ми­ң­неханов бизнес вәкилләре белән ике яклы очрашу йомгаклары буенча Татарстан һәм Лахор шәһәренең сәүдә-икътисадый палаталары арасында хезмәттәшлек итү турында, шулай ук Казанның “ИТ-парк” технопаркы белән Арфа технологик паркы арасында үзара хезмәттәш­лек турында килешү­ләргә кул куелганлыгын билгеләп үтте.

 

Туплы сарайга “иң-иңнәр” җыелды

 

Дәүләт Советы Рәисе Фәрит Мө­хәммәтшин Татарстанның иң уңган иҗади зыялыларына һәм фән-техника өлкәсендә эшләүче зыялылар, икътисад, социаль өлкәнең төрле тармаклары хезмәткәрлә­ренә дәүләт бүләкләре тапшырды. Тантана Казан Кремленең Туплы сараенда булып узды.


“Икътисадтагы мәгълүм кыенлыкларга карамастан, Татарстанда утыздан артыграк президент программасы уңышлы төстә тормышка ашырылып килә, – диде Дәүләт Советы Рәисе. – Икътисад һәм социаль тормышның күп кенә юнәлеш­ләре буенча республикабыз РФ төбәкләре арасында лидерлар сафында бара. Бу – төзелеш, авыл хуҗалыгы, нефть чыгару һәм нефть эшкәртү һ.б.”.


Дәүләт бүләкләре Татарстанда яшәүче 49 кешегә тапшырылды. Аерым алганда, Казан дәүләт казна дары заводы генераль директоры Хәлил Гыйниятов, “Корстон-Казан” ҖЧҖ генераль директоры Рәис Мөбарәкҗанов “Ватан алдындагы казанышлары өчен” II дәрәҗә ордены медале белән бүләкләнде.

 

Корылтай якынлаша

 

Кичә Дәүләт Советында Татарстан халыкларының III корылтаена әзерләнү һәм аны үткәрү буенча оеш­тыру комитеты утырышы булып узды. Анда 22 апрельгә бил­геләнгән әле­ге киң колачлы чарага әзерләнү чаралары каралды. Утырышны Дәүләт Советы Рәисе, Оештыру комитеты рәисе Фәрит Мө­хәм­мәтшин үткәрде.


Фәрит Мөхәммәтшин оеш­тыру комитеты утырышында тагын бер кат басым ясап әйткәнчә, Татарстан халыклары корылтае  – респу­бликаның иҗтимагый сәяси тормышында гаять мөһим вакыйга. Моңа кадәрге – 1992 һәм 2007 елларда узган корылтайлар республикада конфессияара һәм милләтара мөнәсә­бәтләрне үстерүгә үзләрен­нән гаять зур өлеш кертте.

(“Ватаным Татарстан”,   /№ 39, 21.03.2017/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!

Фотохәбәр

Баннер для региональных сайтов 2

Видеохәбәр

112