ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 118, 18.08.2018/

//

“Тулы бер дәвер китте”

 

Татарстан Президенты Рөстәм Миңнеханов  СССР халык артисты Олег Табаковның вафат булуы сәбәпле, мәрхүмнең хатыны – Россия халык артисты Марина Зудинага кайгы уртаклашу телеграммасы җибәрде.

 
“Ирегез – Россиянең күренекле мәдәният һәм сәнгать эшлеклесе Олег Павлович Табаковның вафаты сәбәпле театр сәнгатен сөючеләр, шәхсән үз исемемнән эчкерсез кайгы уртаклашуларны кабул итегез, диелә телеграммада. – Аның китүе – бөтен ил өчен чын мәгънәсендә зур югалту. Мондый очракта гадәттә “тулы бер дәвер китте” диләр. Илебездә театр һәм кино сәнгатенең танылган корифее, күп дистәләрчә еллар буе үзенең иҗат эшчәнлеге белән тамашачыны сөендергән Олег Павлович Табаков хаклы рәвештә даһи актер, зәвыклы һәм киң кырлы режиссер, зирәк һәм игътибарлы педагог буларак күңелләребезгә кереп калды”.

 

Энергияне сак тотмыйбыз

 

Кичә “Казан ярминкәсе” күр­гәзмә үзәгендә “Энергетика. Ресурсларны сак тоту” 19 нчы халыкара махсус күргәзмәсен һәм “Энергетика ресурслары нәти­җәсе һәм энергияне сак тоту” 18 нче халыкара симпозиумын ачу булды. Тантанада Татарстан Президенты Рөстәм Миңнеханов катнашты.

 
Күргәзмәдә Россиянең 18 төбәгеннән, 6 илдән барлыгы 132 компания үзләренең эшлән­мәләрен тәкъдим итә. Симпозиум һәм күргәзмә кысаларында энергияне сак тоту өлкәсендә инновацион чишелешләрне һәм энерге­тиканың нәтиҗәсен  үстерүгә бәйле темаларга фәнни-техник конференцияләр, “түгәрәк өстәл”  һәм семинарлар уздырыла.

 
Күргәзмә ачу тантанасыннан соң Татарстан Президенты Хө­күмәт йортында үткәрелгән утырышта республикада энергия һәм ресурсларны сак тоту эшенең тиешенчә куелмавын белдерде. Республиканың энергияне нә­тиҗәле тотуда берникадәр калышу билгеләре бар, диде ул. “Узган ел йомгаклары буенча респуб­ликаның тулаем төбәк продуктында энергия чыгымы нибары 0,5 процентка кимегән. Димәк, без әлегә тиешенчә эшләп җит­кермибез дигән сүз”, – дип бил­геләп үтте Президент.

 
Р.Миңнеханов түрәләргә, энер­гияне нәтиҗәле тоту проблемасын хәл кылуга ирешелмәгәндә акланулар эзләмәскә киңәш итте. Аның фикеренчә, бу хәлдән чыгу юлларының берсе – энергосервис контрактларын төзү.

 

Иң кыйммәтлесе – белем

 

Кичә ТР Президенты Рөстәм Миңнеханов Казанның 181 нче мәктәбендә булды. Биредә ул “Зур гаилә уеннары” һәм “Без бергә” фестивальләрендә катнашучылар белән очрашты.

 
Президент иң элек мәктәп ашханәсендә балаларның туклануын бәяләде. Шуннан соң “Зур гаилә уеннары – бөтен гаилә белән ГТОга” фестиваленең спорт бәйрәменә кушылды. Моннан тыш Р.Миңнеханов “Без бергә” балалар халык иҗаты республика фестивале кунагына да әйләнде.

 
“Республикада тынычлык-татаулыкны сакларга кирәк. Мо­ның өчен бездә барлык мөмкин­лекләр дә бар”, – диде ТР Президенты укучылар һәм ата-аналарга мөрәҗәгать итеп. “Без мираска йорт, бина, акча калдыра алабыз. Әмма иң кыйммәтлесе – белем. Шуңа күрә балаларыбызга сыйфатлы белем бирү кирәк”, – дип басым ясап әйтте ул.

 

Студентлар борчулары белән уртаклаша

 

Студентлар борчулары белән уртаклашаТатарстан Президенты Рөстәм Миңнеханов кичә Казанның “Пирамида” үзәгендә Татарстан студентларының сигезенче конгрессы пленар утырышында катнашты. Анда конгресс делегатлары сыйфатында Татарстанның югары һәм махсус урта уку йортларынан 983 вәкил катнаша.

 
Моңа кадәр, Конгресс алдыннан, 1-12 март көннәрендә бөтен республика күләмендә студентларны борчыган мәсь­әләләр буенча очрашулар булып узганлыгын искәртеп үтик. Конгресс йомгаклары буенча резолюция кабул ителеп, аның тәкъдимнәре республика җитәкчелегенә, муниципаль хакимият органнары, уку йортлары ректорлары һәм директорларына җибәреләчәк.      

(“Ватаным Татарстан”,   /№ 35, 14.03.2018/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Казан мәктәпләрендә башлангыч сыйныфлар, математика, урыс теле һәм физика укытучылары җитми

 

Укытучылар табылмаган очракта, башка мөгаллимнәргә өстәмә сәгатьләр биреләчәк.

В Казани в преддверии нового учебного года не хватает 50 учителей начальных классов, 20 учителей математики, 10 учителей русского языка и 6 учителей физики. Об этом на деловом понедельнике рассказал начальник Управления образования исполкома Ильнар Хидиятов.

«В масштабах города это не такая большая цифра», — отметил Хидиятов.

По словам главы управления, до конца августа на эти вакансии будут приглашать новых людей, но если их не удастся закрыть, то нехватку будут компенсировать за счет увеличения нагрузки у имеющихся учителей.

 

Подробнее: https://www.tatar-inform.ru/news/2018/08/20/623340/

Архив

Котлыйбыз!

Фотохәбәр