ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

ТР мөфтие Мәккәдә уза торган ислам конференциясендә катнаша
 

 

Бу көннәрдә Татарстан мөфтие Камил хәзрәт Сәмигуллин Согуд Гарәбстанына эшлекле сәфәр кыла. Бүген ул Мәккәдә уза торган «Ислам бердәмлеге» дип исемләнгән конференциядә катнаша.

 

Конференция эшендә шулай ук ислам илләренең халыкара мөселман сәяси, фәнни, белем бирү, мәдәни һәм иҗтимагый институтлары җитәкчеләре һәм вәкилләре, дин галимнәре, мөфтиләр, имамнар катнаша. Барлыгы 127 илдән килгән меңнән артык дини һәм фәнни лидер. Форумда ислам бердәмлеге, ислам илләре багланышларын һәм конфессияара элемтәләрне үстерү, мөселманнар арасындагы низагларга һәм экстремизмга бергәләп каршы тору, гомумислам, мөселманнар арасында кардәшлек һәм теләктәшлек кыйммәтләрен пропагандалау һәм башка мәсьәләләр хакында фикер алышалар, дип хәбәр итә Татарстан Диния Нәзарәтенең матбугат хезмәте.

Конференция Согуд Гарәбстаны Короле, ике Изге урынны саклаучы Салман бин Абдель Азиз Әл Сауд канаты астында уза һәм мөселман халыкалары арасындагы дуслыкны ныгыту өчен дәүләтара элемтәләр урнаштыру максатында оештырылган.

Россиядән әлеге конференциядә шулай ук Ислам мәдәниятен, фәнен һәм мәгарифен үстерү фонды идарәсе әгъзасы  Али Вячеслав Полосин, мөфти, Россиянең Азия өлеше мөселманнары Диния нәзарәте рәисе Нәфигулла Аширов һ.б.лар катнаша.


Бу язманы шәхси сәхифәгезгә дә урнаштырыгыз:

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!