ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

ЮХИДИ йөртүчеләргә ерак юлга чыкмаска киңәш итә

 

Татарстанның ЮХИДИ идарәсе йөртүчеләргә ерак юлга чыкмаска киңәш итә. Алдагы ике көндә синоптиклар Татарстанда көчле буран вәгъдә итә. Юлларда карт көртләре һәм бозлавык булачак.

 

ЮХИДИ вәкилләре фикеренчә, һава торышы бозылганда юлларда аварияләр саны 25 процентка арта. "Шуңа күрә, бик кирәк булмаган очракта торак пунтклары читенә чыкмаска, юл кагыйдәләрен үтәргә, игътибарлы булырга киңәш итәбез", – диелә ЮХИДИ идарәсе тараткан хәбәрдә.

 

Иртәгә, 16 гыйнварда, көндез, шулай ук 17 гыйнварда төнлә һәм иртән Татарстан территориясендә юеш кар явачак, шулай ук томан көтелә. Буран сәбәпле, күз күреме 500 метрга кадәр һәм аннан да азрак арада булуы фаразлана. Җил көньяк-көнчыгыштан секундына 15–20 метрга, урыны белән 23 метрга кадәр җитәргә мөмкин. Республикада һава торышы болытлы булачак. 16 гыйнварда төнлә термометр баганасы күрсәткече -8 градуска кадәр төшәчәк. Көндез һава температурасы республика буенча 0...-5 градуска кадәр, Казанда -2 градус салкын булачак.

 


Бу язманы шәхси сәхифәгезгә дә урнаштырыгыз:

Архив

Котлыйбыз!