ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 21, 13.02.2019/

//

Безгә хәзер нишләргә?

 

Мамадыш шәһәрендә яшәүче Фирая һәм Мин­невә­рис Мингалиевлардан редакциягә хат килеп төште. Минневәрис әфәнде – район газетасында мө­хәррир урынбасары, Фирая ханым бизәлеш-биткә салучы булып эшли. “Бар өметебез – сездә”, – ди алар. Гаилә авыр хәлдә калган.

4-1  
 – Бу хакта бер генә минут та уйламаганыбыз юк. Социаль ипотекага алынган фатирыбыз өчен җыел­ган бурыч суммасын күргәч, йокылар качты. Икебез дә авыруга әйләндек. Нигә мондый хәлгә калдык соң без? Газиз улыбызны югалту хәсрәте тормыш­ның бар ямен алды. Рәмисебез – тормышта зур терәк иде. Яхшы укыды. Укытучылар бер дә зарланмады үзеннән. Мәктәп­не тәмамлагач, табиблыкка укыр­га керде. Аны укыту да җиңел булмады. Әмма без тырыштык. Хәрби хезмәтен дә үтәп кайтты. Үзе эшләп, “Жигули” алды, Мамадышка кайтып йөрде. Юдинога илтә торган юлда куркыныч юл фа­җигасе килеп чыккан. Такси хуҗасы, ир­тәдән кичкә кадәр кеше ташып, йокыга киткән була. Шулай итеп кеше гаебе аркасында улыбыз гүр иясе булды. Без картлык көнебездә терәксез калдык.


Ипотекага фатир алганчы, Нократ елгасы буенда кечкенә йортыбызда яшәгән идек. Фатир сорап, район башлыгына да кереп йөр­мәдек. 2007 елда социаль ипотекага йортлар төзелә башлагач, без дә фатир алырга булдык. Улыбыз белән тиз генә түләп бетерербез дип уйладык. Тормыш без ди­гән­чә генә бармый шул. Һаман, балам, дип бәргәләнәм. Авырдым, инфаркт кичердем. кыйм­мәтле дарулар алып дәваландым. Шушы көн­нәр­дә, фатирыгыз өчен 400 мең сумнан артык бурычыгыз җыелды, дип Дәүләт торак фонды безне судка бирде. Ул бурычларга өстәп, тагын наем бәясе дә түләтәләр. Шулай итеп, 500 мең сумнан артык түләргә тиеш икән без. Болардан тыш, фатирга агымдагы түләүләрне дә күчерәсе, утка, суга, газга, чүпкә дә түләп барасы бар бит әле. Безнең алган хезмәт хаклары боларның яртысына да җит­ми. Икебездә дә кан басымы, минеке – түбән, иптә­шем­неке – югары. Дарулар эчмичә торса, 200гә кадәр күтәрелә. Иптә­шемнең йөрәк тибеше дә түбәнәйде. Аена берничә мең сумлык дарулар кирәк. Нәрсә эшләргә дә белмибез. Зин­һар, безгә ярдәм кулыгызны сузыгыз!” – диелә анда.


Районда ярдәм итәрлек кешеләргә мөрәҗәгать итеп карасалар да, уңай җавап ишетмәгәннәр. Бар өметләре – мәрхәмәтле кешеләрдә. Каләмдәшләребезгә ярдәм итәргә теләүчеләр өчен исәп-хисап реквизиты:


Минневәрис Харисович Мингалиев исемендәге Саклык банкы картасы номеры:
4276 8620 1261 3990.

(“Ватаным Татарстан”,   /№ 21, 12.02.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!