ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 186, 13.12.2017/

//

Татарстан Президенты Рөс­тәм Миңнеханов Казан Крем­лендә Иранның  Россия­дәге Га­дәттән тыш һәм вәка­ләтле илчесе Мәхди Санаи бе­лән очрашты.

 
Р.Миңнеханов Татарстанның Иран белән бүгенге хезмәттәш­лекне югары бәяләвен басым ясап әйтте. “Элемтәләребез – күп төрле. Хезмәттәшлек ни­ге­зендә халыкара хокук кысасыннан чыкмау, шулай ук глобаль, төбәкнең күп кенә төп темалары буенча фикерлә­ре­без­нең туры килүе ята”, – дип белдерде ул. Татарстан Президенты бил­геләп үткәнчә, үзара сәүдә кү­лә­мен үстерү өчен мөмкин­лек­лә­ре­без­дән тулы күләмдә файдаланылмый әле. “Машина төзе­леше, нефть химиясе, медицина һәм фар­мацевтика өлкәләрендә хез­мәт­тәшлекне та­гын да киң­рәк җәел­­дерергә мөм­кин. Моннан тыш инвесторлар җәлеп итү эшен кө­чәйтергә кирәк. Ирандагы партнерларыбызга республикада бизнесны үстерү өчен әйбәт шартлар тәкъдим итәргә әзербез”, – диде ТР Президенты.
***
Кичә Татарстан Президенты Рөстәм Миңнеханов Казанның тарихи өлешендә шәһәр тө­зелеше мәсьәләләре буенча ведомствоара комиссиясенең чираттагы утырышын уздырды.

 

Казанның баш архитекторы Татьяна Прокофьева шәһәрнең үзәк өлешендә кайбер яңа төзелеш һәм реконструкция объектлары: Тукай урамында “Көнкүреш хез­мәте күрсәтү комбинаты” (3-4 катлы), Калинин урамында сигез катлы торак йорт проекты һ.б. белән таныштырды.  Рөстәм Миң­неханов шә­һәр­нең тарихи өле­ше өчен тарихи масштабны һәм яңа төзелеш стилен саклап калу буенча регла­мент­ларның гамәлдә булып килүен искә төшерде.
***
Кичә ТР Хөкүмәт йортында Балыкчылык буенча федераль агентлык белән Татарстан Республикасы арасында балыкчылык өлкә­сендә хезмәттәшлек итү турында килешүгә кул куелды.

 

  Бу документ кысасында тармак эшен җайга салган нор­матив-хокукый базаны камил­ләштерү, шулай ук аквакультура өлкәсендә фәнни тикшере­нүләр һәм эшлән­мәләр юнәлеш­ләрен киңәйтү күздә тотыла. Моннан тыш су биоресурсларын ясалма торгызу-ишәйтү, балык җитеш­терүдә алдынгы техно­логияләрне куллану, су биоресурсларын саклау өлкә­сендә эшне көчәйтү турында сүз бара. Балыкчылык буенча федераль агентлык җитәкчесе Илья Шестаков белдер­гәнчә, агент­лык­ның Рос­сия Федерациясе субъекты бе­лән әле тәүге тапкыр әнә шундый киң колачлы килешү тө­зүе.
***
Киләсе елда Моношәһәр­ләр­не үстерү фонды Татарстанга 214 миллион сум акча бүлеп бирәчәк. Яшел Үзәнгә – 145,1 мил­лион сум, Чаллыга – 68,9 миллион сум.

 

Фондның Яшел Үзән шә­һә­рен­дә 2016 елдан бирле сәнәгать мәйданчыкларын булдыру өчен инфраструктура объектлары финанслашуын искә төшерик. Ки­лешүдә шулай ук автомобиль юлларын төзү күздә тотылган.  Чаллыда исә автомобиль төзү­челәр шә­һәренең сәнәгать зонасында юлларны төзекләндерүгә акча бүлеп бирелә.

(“Ватаным Татарстан”,   /№ 151, 13.10.2017/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!

Фотохәбәр

Видеохәбәр

112