ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 61, 28.04.2017/

//

Ираннар Казанга чакырулы

 

Хезмәттәшлек көчле, тик әлегә бөтен мөмкинлекләр дә файдаланылмый. Татарстан Президенты Рөстәм Миңнехановның Иран Республикасына ике көнлек сәфәре дәвамында бу фикерне еш ишетергә туры килде. Сәфәрнең беренче көнендә узган Татарстан – Иран эшмәкәрлек форумында да, нигездә, шул хакта сөйләштеләр.         

 2-1
Рөстәм Миңнеханов үз чыгышында ике илнең төрле тармак­ларда хезмәттәшлекне киңәй­түгә зур көч куюын искәртеп, Татар­стан­ның төбәк буларак бу эштә катнашырга әзер булуын әйтте. Республика башлыгы сүзләренә караганда, узган ел Татарстан белән Иран арасында товар әйләнеше 1,6 тапкыр артып, 13,3 миллион долларга җиткән. Татарстан җи­теш­терүчеләре Ислам республикасына майлар, агач эшлән­мәләре, каучук, ашлык, хайваннар өчен әзер азык, оптика инструментлары озата. Ираннан исә безгә органик химик кушылмалар, яшелчә һәм җиләк-җимеш, пластмасс эш­ләнмәләр кертелә. Шулай да Президент бүген ике арадагы хезмәт­тәшлектә бөтен мөмкин­лекләр дә файдаланылмый, дип саный.

 
Бу фикерен ул Иранның беренче вице-президенты Эсхак Джахангири белән очрашу вакытында да кабатлады. “Үзара хез­мәттәшлек өчен мөмкинлекләр зур. Без Иранга йөк машиналары, автобуслар, вертолетлар, суднолар, газ чыгару җиһазлары, нефтьхимия продуктлары белән фармацевтика эшлән­мәләре җибәрә алабыз. Фән, мә­гариф, мәдәният, спорт өлкәлә­рен­­дә дә хез­мәт­тәшлек бик мө­һим”, – диде Татарстан Президенты. Рөстәм Миң­неханов быел Иран Президенты Хәсән Руха­ниның Рос­сиягә килүен дә искә төшерде. Россия Президенты Владимир Путин белән ­очрашуда илләрнең бик яхшы күршеләр һәм хезмәттәшләр булуы, кискен халыкара проблемаларны чишүдә, икътисадый хез­мәттәшлектә яңа этапка чыгулары билгеләп үтелгән.

 

Эшлекле сәфәрнең икенче кө­нендә Рөстәм Миңнеханов Иран­ның Хорасан-Резави провинциясе губернаторы Али Реза Рашидиян белән очрашты.

 

Очрашу Татарстан Президентының Мәшһәд шәһә­ренә эшлекле сәфәре кысасында узды. Көн дәвамында республика башлыгы Фирдәүси исемендәге Мәшһәд университетында да булды. Очрашуда Рөстәм Миңнеханов Казан федераль университеты белән Фирдәүси исемендәге Мәш­һәд университеты арасында хез­мәттәшлек турында меморандум төзелгән булуын да искә төшерде. Форсаттан файдаланып, респуб­ликаның Россиядәге әйдәп баручы фәнни-тикшеренү үзәкләре­нең берсе булуын да искәртте ул. “Татарстанда барлыгы 28 югары уку йорты эшли. Аларда 150 меңнән артык студент белем ала. Шулар­ның 9 меңләбе – дөньяның 100 иленнән килеп укучы чит ил сту­дент­лары”, – диде Миңнеханов. Сүз уңаеннан, Казанда ел саен узучы “Россия – ислам дөньясы: “Ka­zan­Summit“ халыкара икътисадый саммитында Ираннан да ку­нак­лар катнашырга мөмкин. Та­тар­стан – Иран эш­мә­кәрлек форумында Рөс­тәм Миңне­ханов рес­пуб­ли­каның Ирандагы хезмәттәш­лә­рен форумда катнашырга чакырды.

(“Ватаным Татарстан”,   /№ 57, 21.04.2017/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!

Видеохәбәр