ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Рөстәм Миңнеханов: Капитал салуларны яклау һәм хуплау буенча закон проекты инвесторлар җәлеп итү өчен ышанычлы инструмент булачак

 

Казанга эш сәфәре кысаларында Россия Федерациясе Хөкүмәте Рәисенең беренче урынбасары – РФ Финанс министры Антон Силуанов Россия территориясендә яңа инвестицион проектларга капитал салуларны яклау һәм хуплау буенча РФ Минфинының закон чыгару инициативасына багышланган киңәшмә уздырды, дип хәбәр итә республика башлыгының матбугат хезмәте. 


Киңәшмә Казан Кремлендә узды. Аның эшендә Татарстан Республикасы Президенты Рөстәм Миңнеханов, Калининград өлкәсе губернаторы Антон Алиханов, Түбән Новгород өлкәсе губернаторы Глеб Никитин, Новгород өлкәсе губернаторы Андрей Никитин, Пермь крае губернаторы Максим Решетников, Татарстан Премьер-министры Алексей Песошин һәм башкалар катнашты. 


Киңәшмәне ачып, Антон Силуанов хәбәр иткәнчә, РФ Хөкүмәте каршында махсус төркем төзелгән, аның составына бизнесменнар, шулай ук инвестицияләр җәлеп итү, икътисадый үсеш һәм инфраструктураны үстерү өчен җаваплы министрлыклар һәм ведомстволар вәкилләре кергән.

«Бүген бу эшнең төп бурычы – компанияләребез ресурслары чит илләргә китмәсен, ә Россиядә кулланылсын өчен шартлар тудыру. Беренче чиратта җитештерүләр һәм эш урыннары булдыру өчен», - диде РФ Минфины башлыгы. 


Антон Силуанов ассызыклаганча, бизнес белән эшне үзара файдалы нигездә, төрле административ хәл ителешләр кулланмыйча гына корырга кирәк. 

Министр бу эшнең төп өч юнәлешен билгеләде. Беренчесе – РФ Президентының илне якындагы алты елда үстерү турындагы указларында билгеләнгән бурычлар. Әлеге төркемгә кеше потенциалын үстерүгә юнәлгән  бизнес-проектлар керә. Икенчесе – дәүләт тарафыннан өстәмә ярдәм таләп итүче инфраструктур проектлар: юллар салу, коммуникацияләр һәм башкалар. Өченчесе – компанияләрнең үз проектлары. 


Россия Минфины башлыгы сүзләренчә, төбәкләр җитәкчеләре алдында зур эш тора. «Ил субъектларында бизнес белән эш никадәр нәтиҗәле оештырылуга бәйле. Бу мәсьәләләргә Рөстәм Миңнехановның никадәр игътибар итүен беләбез, шуңа күрә киңәшмәне Казанда уздырырга булдык», - диде министр.  


Журналистлар белән аралашканда Рөстәм Миңнеханов РФ Финанслар министрлыгына мондый закон проектын эшләгән өчен рәхмәт белдерде һәм бу норматив документ инвестицион проектны гамәлгә ашыру чорында салым шартларын үзгәртмичә калдыруны һәм инфраструктураны үстерүгә киткән чыгымнарны компенсацияләүне гарантияли. «Минемчә, бу бик җитди документ. Бу икътисад үсешенә, яңа эш урыннары булдыруга өстәмә этәргеч булачак. Бу проектлар югары технологияле, импортны алмаштыручы һәм экспортка юнәлешле булачак», - диде ул. 


Татарстан Республикасы Президенты билгеләп үткәнчә, 2024-2030 елларга  республиканың саллы гына проектлар портфеле бар. «Бу – нефть эшкәртүгә, яңа этилен комплексы төзүгә, газ эшкәртүне киңәйтүгә, машина төзелешендәге проектларны гамәлгә ашыруга бәйле бик зур амбициоз  планнар. Шулай ук без авыл хуҗалыгы өлкәсендәге проектлар буенча да аерым фикер алыштык. Бу закон проекты инвесторлар җәлеп итү өчен ышанычлы инструмент булачак», - дип белдерде Рөстәм Миңнеханов.


Бу язманы шәхси сәхифәгезгә дә урнаштырыгыз:

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!