ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Татарстан Президенты исеменнән балаларның теләкләрен үтәделәр

 

Татарстан Президенты Рөстәм Миңнеханов йөкләмәсе буенча Татарстан яшьләр министрлыгы башлыгы Дамир Фәттахов 13 яшьлек Камил Бариевка һәм аның гаиләсенә Казанда узачак “Уральские пельмени” тамашасына билетлар бүләк итте. Татарстан Хезмәт, халыкны эш белән тәэмин итү һәм социаль яклау министры Эльмира Зарипова исә ДЦП белән авыручы 13 яшьлек Владислав Банцыревка Татарстан Президенты исеменнән таган тапшырды.

 

Камил – “үзенчәлекле бала”, шунлыктан аңа уңай хис-тәэсирләр бик тә кирәк, дип сөйләде журналистларга аның әнисе Гөлназ. Камил телевизордан “Уральские пельмени” тамашасын еш карый һәм аларның концертында булырга хыяллана. Яңа ел алдыннан аның теләге тормышка аша.

 

Татарстан яшьләр министрлыгы башлыгы Дамир Фәттахов әлеге акциянең могҗиза көткән тагын бер баланы бәхетле итүен өстәп әйтте.

 

Владислав Банцырев Татарстан Президенты Рөстәм Миңнеханов хәйрия “Теләкләр чыршысы” кысаларында хыялларын тормышка ашырган балаларның өченчесе булды. “Татарстан Президенты Владикның хыялын тормышка ашырып, гаиләгә таган бүләк итте. Бу әйбәт бүләк дип уйлыйм. Таган җәй көне урнаштырылачак”, - диде Эльмира Зарипова.

 

Моңа кадәр Рөстәм Миңнеханов исеменнән Татарстан Республикасы мәгариф һәм фән министры Рафис Борһанов Казан төзелеш колледжы студенткасы Полина Щербичка Кремль чырышысына билет тапшырды.


Бу язманы шәхси сәхифәгезгә дә урнаштырыгыз:

Архив

Котлыйбыз!